चुनाव बिरोधीसँग वार्ता गर्न सरकारी समिति

काठमाडौ, चैत्र १६ –

 आज बसेको मन्त्रिपरिषद्को बैठकले आगामी निर्वाचन सफल पार्न चुनावको बिरोध गरिरहेका दलहरुसँग वार्ता गर्ने निर्णयसहित तीन सदस्यीय समिति गठन गरको छ । गृहमन्त्री माधवप्रसाद घिमिरेको संयोजकत्वमा गठित समिति सदस्यमा स्वास्थ्य मन्त्री बिद्याधर मल्लिक र सूचना तथा सञ्चारमन्त्री माधव पौडेल सदस्य छन् ।

बैठकले आन्दोलनरत बिभिन्न संघसंगठनका कर्मचारीको जायज माग पूरा गर्ने प्रतिबद्धता जनाउँदै चुनावमा सघाउन उनीहरुलाई आग्रह गरेको छ । अन्तरिम चुनावी मन्त्रिपरिषद् अध्यक्ष खिलराज रेग्मीको अध्यक्षतामा बसेको बैठकले मुख्य सचिव लिलामणी पौडेल प्राधिकरण सञ्चालक समिति अध्यक्षबाट दिएको राजिनामा स्वीकृत गरेको छ

।

बैठकले शसस्त्र प्रहरीका ५ डीआईजीको बढुवा गरेको छ । यसअघि बढुवा भएका ४२ जना सहसचिवको पदस्थापनसमेत बैठकले गरेको सरकारका प्रवक्ता माधव प्रसाद पौडेलले जानकारी दिए । बैठकमा नेपाली सेनाका नौ महासेनानीलाई सहायकरथी,  २ सहायक रथीलाई उपरथीमा बढुवा साथै ६ जना महासेनानीको सरुवा गरेको पौडेलले जानकारी दिए ।

बैठकमा पश्चिमाञ्चल क्षेत्रीय अस्पतालको बिस्तार गरी २१८ दरबन्ती बिस्तार गरी तीनसय पुर्‍याउने र ५ सय बेड क्षमताको बनाउने निर्णय गरेको छ । अस्पतालमा यसअघि तीनसय बेड थियो । बैठकले मन्त्रिपरिषद् अध्यक्ष रेग्मीको प्रेस सल्लाहकार बिमल गौतमलाई चयन गरेको छ ।